Ən son xəbərləri bizim "X" səhifəmizdə izləyin

“Moşu” və Məsuma Babayeva işsiz qalıb: Onlar teatrlardan təzyiqlə çıxarılıblar? - AÇIQLAMA + VİDEO
Yaşı 70-i ötmüş aktyorlar və aktrisaların işlədikləri teatrlardan uzaqlaşdırılması narazılıqla qarşılanır.
Xezerxeber.az-ın məlumatına görə, belə aktrisalardan biri Məsuma Babayevadır.
Məsuma Babayeva 1972-ci ildən, yəni ömrünün 50 ilini Gənc Tamaşaçılar teatrına həsr edib. Son 4 ildə isə yaşı ilə əlaqədar olaraq işindən uzaqlaşdırılıb. Həm də, dediklərinə görə, böyük təzyiq və israrla.
Hazırda müxtəlif xəstəliklərdən əziyyət çəkən aktrisa dolanışığının çətin olmasından, dərmanlarını belə ala bilməməsindən, ona əlavə heç bir maddi yardım edilməməsindən gileylidir.
O, səhhətində problem olmasına baxmayaraq, işləmək imkanının olduğunu vurğulayır. Ancaq deyir ki, işləmək üçün onu tamaşaya dəvət etmirlər.
Gənc Tamaşaçılar Teatrının mətbuat katibi Hüsniyyə Quliyeva aktrisanın ona israrala ərizə yazdırılması barədə səsləndirdiyi fikirləri təkzib edib.
Məsumə Babayevanın qanunla, yaşı tamam olduğu üçün işdən kənarlaşdırıldığını bildirilib. Teatr tamaşalarına dəvət alması barədə isə, bunun rejissorlardan asılı olduğunu, aktrisaya uyğun rol olarsa, yenidən dəvət ala biləcəyi bildirilib.
Yaşına görə teatrdan uzaqlaşdırılmasını qəbul edə bilməyən, buna görə incik düşən daha bir aktyorumuz isə “Moşu” obrazı ilə hər kəsin qəlbində özünə yer tutan Valeh Kərimovdur. O da uzun müddətdir ki, teatrdan uzaqlaşdırılıb. Amma işləmək imkanının olduğunu deyir.
Sumqayıt Dövlət Dram Teatrının direktor müavini Vidadi Məmmədov isə bildirib ki, Valeh Kərimov ancaq müqavilə əsasında hər hansı bir rolu canlandıra və daxili imkanlar hesabına vəsait ala bilər.
Daha ətraflı süjetdə:

"Sumqayıt şəhəri" teqi üzrə xəbərlər
- Sumqayıtda gənc buzlanmış yolda təhlükə yaratdı - DYP çağırış etdi
- Sumqayıt sakinlərinin sahibsiz it problemi: "Uşaqlarımızı qorxa-qorxa məktəbə aparırıq"
- Sumqayıtda 46 yaşlı kişi baltalanıb
- Yaşayış binasının həyəti ÇÖKDÜ: Sakinlər təşviş içində
- Sumqayıt sakinləri 12A və 30 nömrəli marşrut avtobuslarından ŞİKAYƏTÇİDİRLƏR