Niyaməddin Musayevdən mahnısının yeni aranjimanına REAKSİYA - VİDEO

“Səs Azərbaycan: Doğma nəğmələr” müsabiqəsinin final bölümündə qonaq qismində çıxış edən “Dərviş band” qrupunun sözləri Məmməd Araza aid, Xalq artisti Niyaməddin Musayevin “Dünya sənin, dünya mənim” mahnısı sosial şəbəkədə “viral” olub.

Məsələ ilə bağlı sözügedən mahnının əvəzolunmaz ifaçısı N.Musayevlə Bizim.media-nın əməkdaşı əlaqə saxlayıb.

Sənətkar “Dərviş band” qrupunu tanıdığını və onların bu ifasını çox bəyəndiyini bildirib:

“Bu qrupla mən yaxından tanışam. O qrupda olan oğlanla mən ”Dünya sənin, dünya mənim” mahnısını studiyada birgə oxumuşuq. Ən çox diqqət elədiyim məsələ isə aranjimandır. Onlar çox düzgün şəkildə nəğməni aranjiman ediblər. Mahnının kökünə dəyməyiblər. Ən əsas da aranjimanda xoşagəlməz, qulağı incidən dəyişikliklər etməyiblər. Hər şey yerindədir. Çox bəyənirəm. Təəssüflər olsun ki, müsabiqədə onların çıxışlarını dinləməmişəm. Amma siz mənə məlumat verdikdən sonra mütləq şəkildə onların sözügedən çıxışlarına baxacağam”.

Niyaməddin Musayevdən mahnısının yeni aranjimanına REAKSİYA - VİDEO