Unikal, cazibədar Çin krossoveri “Changan Uni-K” tezliklə Azərbaycanda - FOTO
Unikal, cazibədar Çin krossoveri “Changan Uni-K” tezliklə Azərbaycanda - FOTO
“Changan” brendinin Azərbaycandakı rəsmi nümayəndəliyi “Azərbaycan Avtomobil Evi” “Uni-K” modelinin artıq may ayının əvvəlində Azərbaycan bazarında satışa hazır olduğunu açıqladı.
Uni-K modeli D-SUV seqmentinə aiddir (uzunluğu 4,86 metrdən çoxdur). İstehsalçı yeni modeli səkkiz pilləli avtomat sürət qutusu ilə, 233 at gücünə malik iki litrlik turbo mühərriklə təchiz edib.
“Uni-K” modeli Azərbaycanda iki təchizatda təklif olunacaqdır, 2WD və 4WD. 4WD təchizatında 3 idarəetmə rejimi olacaqdır (4WD, 2WD və auto).
Krossover öz adını çin dilindən tərcümədə “cazibə” mənasını verən “引力” (“yinli”) sözündən alıb – təsadüfi deyil ki, avtomobilin dəbli dizaynı kifayət qədər marağa səbəb olub.
Avtomobil çərçivəsiz radiator barmaqlığı, “Y” formalı dinamik işıqlar və avtomatik sensorlu açılan qapı tutacaqları ilə təchiz edilib.
“Uni-K” modeli Azərbaycanda 2022-ci ilin sonunda gözlənilirdi, lakin yüksək satış göstəriciləri və modelə marağın artması səbəbindən Azərbaycanın rəsmi distribütoru “Avtomobil Evi” bu tarixi 6 ay önə çəkə bildi. Avtomobilin ən yüksək təchizatı 69.900 AZN dəyərində təklif olunur və artıq “Uni-K” modeli üçün öncədən sifariş elan edilib.
Ətraflı məlumat üçün:
*5544
Babək pr., 74
