“PAŞA Qrup” şirkətləri tərəfindən Ramazan bayramı ərəfəsində növbəti sosial aksiya keçirilib - FOTO

Korporativ sosial məsuliyyətə xüsusi önəm verən “PAŞA Həyat” bayramlar ərəfəsində Qızıl Aypara Cəmiyyəti (QAC) ilə birgə əhalinin bütün təbəqələrini diqqət mərkəzində saxlayaraq növbəti sosial aksiya keçirib.

Şirkət hər il olduğu kimi bu Ramazan bayramında da cəmiyyətin həssas qruplarını unutmamış və Sumqayıt şəhərində ehtiyacı olan ahıl şəxslərinə bayram bağlamalarının hazırlanmasında Qızıl Aypara Cəmiyyətinə öz dəstəyini göstərib.

Belə ki, QAC Sumqayıt Regional Mərkəzinin və “PAŞA Həyat”ın nümayəndələri tərəfindən bayram sovqatları sözügedən şəxslərə paylanılıb. Bundan əlavə, yataq xəstələri olan ahıl şəxslər də evlərində ziyarət olunaraq, şirkətlər tərəfindən bayram sovqatları ilə sevindirilib. Bölmədə Sumqayıt Dövlət Universitetin təcrübə keçən tələbələri könüllü qismində ahıllara ərzaqların daşınmasında yardımçı oldular.

Qeyd edək ki, QAC Sumqayıt Regional Mərkəzin koordinatoru Mətanət Məhərrəmova “Paşa Həyat” ASC-nin əməkdaşı Aysun Şahəliyevanı salamlamış, hər bayramda bölmə ahıllarına göstərdikləri diqqət üçün onlara bölmə və ahıllar adından minnətdarlığını bildirdi. Bayram sovqatlar alan ahıllar da öz növbələrində xeyriyyəçi təşkilat nümayəndəsinə onları bu əziz bayramda sevindirdikləri üçün təşəkkür edərək, xeyir-dualarını verdilər.