"Artıq başqasına məxsusdur" - Castin Biber həyat yoldaşı ilə bağlı qalmaqallı paylaşım etdi və sildi

Məşhur müğənni Castin Biber sosial şəbəkədə etdiyi paylaşımda həyat yoldaşı Heyli Biberin ona xəyanət etdiyinə işarə edib.

Oxu.Az xəbər verir ki, sənətçi "Instagram" hesabında yazdığı emosional açıqlamada keçmişə dair peşmanlığını ifadə edib:

"Bəlkə də başqa bir həyatda hər şey istədiyimiz kimi olardı. Kaş ki onu heç tanımazdım. Ona olan sevgimə baxmayaraq, indi o, artıq başqasına məxsusdur", - deyə o qeyd edib.

Bu paylaşım bir neçə dəqiqə sonra silinsə də, sosial media istifadəçiləri artıq onu ekran görüntüsünə alaraq yayıblar. Heyli Biber isə bu açıqlamaya hələlik heç bir reaksiya verməyib.

Sosial şəbəkələrdə bu paylaşım Biberlərin münasibətində problemlərin olduğuna dair söz-söhbətlərə səbəb olub. İnsanlar paylaşımın həqiqi etiraf olub-olmaması barədə müzakirə aparırlar.