44 yaşlı rusiyalı opera müğənnisi Anna Netrebko ilə 38 yaşlı azərbaycanlı tenor Yusif Eyvazovun toy tarixi bəlli olub.
Oxu.Az Rusiya mətbuatına istinadən xəbər verir ki, cütlüyün toyu dekabrın 29-da baş tutacaq. Vyanada təşkil olunacaq mərasimə 200-dən çox qonaq dəvət edilib.
:640.jpg)
Opera ifaçısının gəlinlik libasını rus dizayner İrina Vityaz hazırlayır. Anna Netrebko toyda Keyt Midltonun tacına oxşar tac taxacaq, hansı ki, qiyməti 2 milyon avrodur. Bu aksesuarı ona “Chopard” brendi məxsusi olaraq hazırlayır.
Qeyd edək ki, bu, Yusif Eyvazov ilə Anna Netrebkonun ilk rəsmi nikahı olacaq. Anna oğlunun atası - uruqvaylı opera ifaçısı Ervin Şrotto ilə rəsmi nikahda olmayıb.
