"Lionsgate" və "Universal"ın Maykl Cekson haqqında çəkdikləri bioqrafik filmin nümayişi gələn ilin aprel ayına təxirə salınıb.
Oxu.Az xəbər verir ki, bu barədə "Deadline" nəşri məlumat yayıb.
Bioqrafik film 24 aprel 2026-cı ildə buraxılacaq. Tarixlər bir neçə səbəbə görə dəyişdirilib, bunlardan biri də yayım müddətinin çox uzun olmasıdır. Filmin ilk versiyası 3.5 saatdan çox çəkib. Bundan əlavə, sənətçi yeniyetməyə cinsi təcavüzdə ittiham olunduğu üçün yaradıcılar epizodları yenidən çəkiblər.
Yeri gəlmişkən, filmin nümayiş tarixi artıq üçüncü dəfədir ki, təxirə salınır. Əvvəlcə filmin 2025-ci il aprelin 18-də, sonra isə bu il oktyabrın 3-də ekranlara çıxacağı deyilirdi.
