7 illik həyat yoldaşı Hakan Eratikdən keçən ay boşanan müğənni Yeşim Salkım “Uçankuş TV”dəki “Quş Baxışı” proqramının qonağı olub.
Oxu.Az xəbər verir ki, məşhur müğənni verilişdə 20 ildir psixiatra getdiyini açıqlayıb:
“20 ildir psixoloji müalicə alıram. İlk stresi qızım Gizemə hamiləykən keçirmişdim. Həyatım boyunca həmişə gözəl ailə həyatımın olmağını, ailəmlə birgə masada yemək yeməyimi, geniş bir ailəyə sahib olmağımı istəmişəm, amma evliliyi bacarmadım.
Yaşadığım heç bir şeydən peşman olmamışam. Mən heç vaxt eşqbazlıq etməmişəm. Üst-üstə 17 il ailəli olmuşam, amma alınmadı. Demək evli qalmaq mənim taleyimə yazılmayıb. Amma asan xarakterli insan da deyiləm. Kişinin həyatını çətinləşdirə bilərəm”.
Qeyd edək ki, Yeşim Salkım ilə Hakan Eratik serial çəkilişləri zamanı tanış olub, ailə qurmuşdular. Cütlüyün Ada adında qızı var.
Aytən Sadıqzadə
www.oxu.az
