Aparıcı Nanə Ağamalıyeva şəhid olan qardaşını yad edib.
Oxu.Az xəbər verir ki, bu gün 9 əsgərin şəhid olması xəbərindən təsirlənən teleaparıcı duyğularını İnstagram səhifəsində bölüşüb:
“Heç bir söz bu ağrını, bu acını ifadə edə bilməz. Mənim qardaşım şəhid olanda bir gündə 6 əsgərlə birlikdə həlak olmuşdu. Şərəfli ölüm qisməti olan oğullarımız, Allah sizə rəhmət eləsin. Mənimlə ölənədək sağalmayan yaram... Allah heç bir ataya, anaya, bacıya, qardaşa bu dərdi göstərməsin... Məsciddə öz əlləriylə oğlunun cənazəsini yuyan atamın kaş belə xatirəsi olmayaydı. Ağrının, acının ən pik həddi...”.
