Fotoşop deyil, 35 kiloqram arıqlamışam. 150-dən çox idim, 140-a düşüb. Səhhətimdə problem yox idi, amma gələcəkdə problem yarana bilərdi.
Oxu.Az xəbər verir ki, bu sözləri Aşıq Əli Tapdıqoğlu ARB TV-nin “Günə Son” proqramında arıqladıqdan sonra paylaşdığı şəkillə bağlı açıqlama verərkən deyib.
Aşıq bildirib ki, arıqlamaq üçün heç bir əməliyyat keçirməyib:
“Bir az yeməkləri və qazlı suyu azaltdım. Artıq 15-20 kiloqramım qalıb. Məni eşidənlərə demək istəyirəm ki, arıqlayanda belə həkimə getmirəm. Deyirlər ki, əməliyyat elətdirib. Mən onu xoşlayan bir insan deyiləm. Həkimlər məni təmənnasız əməliyyat etmək istəyiblər. Ancaq ehtiyac yoxdur. Sadəcə, ətrafımdakılar yaxşı oldu və yeməkləri azaltdım”.
Aşıq Əli “Instagram”da yazılan şərhlərə baxmağa vaxtının olmadığını, dostu Aşıq Vüqarın vəziyyəti ağır olduğu üçün onun yanında olduğunu bildirib.
