Türkiyədə məşhurlara qarşı aparılan narkotik istintaqı çərçivəsində saxlanılan 23 şübhəlidən 9-u barəsində həbs qərarı verilib.
Oxu.Az xəbər verir ki, bu barədə "Hürriyet" məlumat yayıb.
Bildirilib ki, aralarında Beren Saat, Kenan Doğulu, Ayşe Hatun Önal, Kerimcan Durmaz, Berdan Mardini, Ozan Doğulu, Yaşar İpek, Enis Arıkan, Selin Ciğerci və Oğuzhan Bekerin də olduğu 14 nəfər isə məhkəmə nəzarəti şərti ilə sərbəst buraxılıb. Məhkəmənin qərarı ilə şübhəlilər Tolga Çam, Murat Saygı, Enis Ahmet Onat, Emre Tari, Hasan Vatan, Reyhan Küçükyeğen, Mehmet Yıldız, Tessy Ramos Correya və Rafet Eren Yorulmazer həbs ediliblər.
Qeyd edək ki, Türkiyədə İstanbul Respublika Baş Prokurorluğunun Qaçaqmalçılıq, Narkotik və İqtisadi Cinayətlər üzrə İstintaq Bürosu tərəfindən "istifadə məqsədilə narkotik və ya psixotrop maddə saxlamaq" və "narkotik istifadəsini asanlaşdırmaq" maddələri ilə istintaq davam edir.
