Xoşqədəmdən məhkəmədə uduzduğu Aysel Əlizadəyə sərt mesaj - YENİLƏNİB + FOTO

Müğənni Aysel Əlizadə və aparıcı Xoşqədəm Hidayətqızı arasında 4 il sürən məhkəmə çəkişməsi bu günlərdə bitib. Prosesdə müğənni aparıcıya qalib gəldiyi haqda sosial şəbəkə hesabında post paylaşıb.

Qalmaqallı məsələ ilə bağlı Xoşqədəm Hidayətqızı sosial şəbəkə hesabında Turanə Nəcəfovanın (2019-cu ildə Turanə Nəcəfova “Səni axtarıram” ictimai-sosial verilişinin efirinə çıxaraq Aysel Əlizadəni keçmiş əri ilə münasibətdə ittiham edib) fotosunu paylaşaraq qarşı tərəfə, yəni Ayselə sərt mesajlar ünvanlayıb: 

“Bu qadına diqqətlə baxın! Adı Turanədir, ailəsini dağıtdılar. İki bacı bu gün ayrı-ayrı evlərdə yaşayırlar. Bu qadının səsi oldum, evini, alimentini aldım, iki bacının eyni məktəbdə oxumasına nail oldum! Onu qorumaqda davam edirəm. Yəni əxlaqlı, məşuq hesabına ev, avtomobil sahibi olmayan qadınlar üçün ölümə belə gedərəm. 

Gələcək nəsillər, əxlaqlı oğul, qız sahibi olmaq üçün biz belə əxlaqlı Azərbaycan qadınlarını qorumalıyıq. Mən qoruyuram və bundan sonra da qoruyacağam. Əxlaqsız, evli kişilərin yuvasını dağıdanlar nəzarətim altındadır. Bu yaxınlarda yeni foto və videolarla, üzr istəyirəm həm də səs yazıları ilə bu dəfə başqa-başqa evi yıxılan, yuvası dağıdılan bir yetimi tanıyacaqsınız. Sizi sevirəm”. 

Qeyd edək ki, 4 il əvvəl sözügedən proqramda müzakirə əsnasında Xoşqədəm Hidayətqızı “Aysel Əlizadə atası yaşda kişi ilə pula görə münasibətdə ola bilməz, buna inanmıram. Ərim Doğuş onun haqqında maraqlanıb. Elə məqamlar ortaya çıxıb. Hamısını deyəcəyəm...” kimi fikirlər səsləndirib.  
 
Aysel X.Hidayətqızı və T.Nəcəfovanın sözlərinin şərəf və ləyaqətini alçaltdığını əsas gətirərək təzminat iddiası qaldırıb. İddiaya 3 il müddətində müxtəlif məhkəmə orqanlarında baxılıb və bu günlərdə Bakı Apellyasiya Məhkəməsi yekun qərar çıxarıb. Qərara əsasən, Xoşqədəm Hidayətqızı vurduğu mənəvi zərərə görə Aysel Əlizadəyə 3000 manat təzminat ödəməlidir.

14:30

“İlahi ədalət adlanan bir tərəzi var. Əsla səhv etməz. Ona sığındım. Susdumsa, var olan Allaha və dövlətimin qanunlarına güvənib, inanaraq susdum. Əlacsız və ya günahkar olduğum üçün susmadım. Lakin susqunluğumla qınandım. Səbəbi qanun danışsın deyə susdum.” 

Bizim.media xəbər verir ki, bu sözləri müğənni Aysel Əlizadə deyib.

Sənətçi ad çəkməsə də, illər əvvəl aparıcı Xoşqədəm Hidayətqızı ilə məhkəmə çəkişməsinə işarə vuraraq, prosesdə qalib gəldiyini vurğulayıb: 

“Məni tanıyan bilir, söz-söhbət sayəsində qara PR-ı, boşboğazlığı sevmirəm. Düz olarkən özümü sübut etməyi sevirəm. Şükürlər olsun Allahıma, heç zaman tək qoymadı məni. Onun ədaləti qarşısında baş əyirəm! Hər şey sübut olundu! Dövlətimin qərəzsiz, vicdanlı məmurları, sizə halal olsun!” 

Qeyd edək ki, 2019-cu ildə Turanə Nəcəfova adlı qadın “Səni axtarıram” ictimai-sosial verilişinin efirinə çıxaraq Aysel Əlizadəni keçmiş əri ilə münasibətdə ittiham edib.

Müzakirə əsnasında Xoşqədəm Hidayətqızı “Aysel Əlizadə atası yaşda kişi ilə pula görə münasibətdə ola bilməz, buna inanmıram. Ərim Doğuş onun haqqında maraqlanıb. Elə məqamlar ortaya çıxıb. Hamısını deyəcəyəm...” kimi fikirlər səsləndirib. 

Aysel X.Hidayətqızı və T.Nəcəfovanın sözlərinin şərəf və ləyaqətini alçaltdığını əsas gətirərək təzminat iddiası qaldırıb. İddiaya 3 il müddətində müxtəlif məhkəmə orqanlarında baxılıb və bu günlərdə Bakı Apellyasiya Məhkəməsi yekun qərar çıxarıb. Qərara əsasən, Xoşqədəm Hidayətqızı vurduğu mənəvi zərərə görə Aysel Əlizadəyə 3000 manat təzminat ödəməlidir.