Ceyhun Bayramov: "Azərbaycanda tarixi qərarlar qəbul olunub"

"Bu il ərzində ölkə başçısı İlham Əliyevin qoyduğu hədəflərə uyğun olaraq, həm ikitərəfli əsasda, münasibətlərin inkişaf etdirilməsində, eyni zamanda, böyük beynəlxalq platformalarda ölkəmiz çox fəal xarici siyasət yürüdüb".

Oxu.Az xəbər verir ki, bu sözləri xarici işlər naziri Ceyhun Bayramov jurnalistlərin sualını cavablandırarkən deyib.

O bildirib ki, bu il nəinki ölkəmiz, eləcə də dünyanın beynəlxalq gündəliyi üçün ən önəmli, vacib tədbirlərindən biri olan COP29 beynəlxalq konfransı, özü də böyük uğurla keçirilib.

"Sözün əsl mənasında Azərbaycanda tarixi qərarlar qəbul olunub. İqlim maliyyəsində ən mürəkkəb hesab olunan mövzu üzrə qəbul edilən qərarlar, Paris Sazişinin altıncı maddəsinin icrasının təmin edilməsi, zərər və ehtiyat fondunun tam işlək vəziyyətə gətirilməsi və buna paralel olaraq, 60-a yaxın çox önəmli qərar qəbul edilib".

Aygün Mirakif