Fransa Xarici İşlər Nazirliyi Azərbaycanın İrandakı səfirliyinə edilən terror hücumunu pisləyib.
Bu barədə nazirliyin bəyanatında bildirilib.
“Biz həlak olan şəxsin ailəsinə başsağlığı veririk. Diplomatik korpuslara və diplomatlara istənilən hücum qəbuledilməzdir.
#Iran / #Azerbaijan – 🇫🇷 condemns yesterday’s attack on the Embassy of Azerbaijan in Iran, which left one embassy staff dead and two others injured.
— France Diplomacy🇫🇷🇪🇺 (@francediplo_EN) January 28, 2023
➡️https://t.co/Cgbbqoqpnk pic.twitter.com/KpAuYpJP70
Biz İran hökumətini öz ərazisində olan əcnəbi diplomatların hüquqlarının qorunması üzrə səlahiyyətləri çərçivəsində baş vermiş hücumu araşdırmağa çağırırıq”, - deyə bəyanatda vurğulanıb.
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı hücumun qarşısını alarkən yaralanıb, onlardan biri əməliyyat olunub. Hazırda bu xain hücum üzrə araşdırma gedir.
Azərbaycan səfirliyinə hücum edən şəxs səfirlik əməkdaşları tərəfindən saxlanılıb.
