Gürcüstan prezidenti ilk xarici səfərini Azərbaycana edəcək

Gürcüstan Prezidenti Mixail Kavelaşvili aprelin 15-16-da Azərbaycana səfər edəcək.

Oxu.Az xəbər verir ki, bu barədə Gürcüstan prezidentinin Mətbuat Xidməti məlumat yayıb.

Məlumatda qeyd olunur ki, bu, Kavelaşvilinin 2024-cü ilin sonunda andiçmə mərasimindən sonra ilk xarici səfəri olacaq.

Bundan əvvəl Kavelaşvilinin beynəlxalq əlaqələr üzrə müşaviri Luka Exvaya Gürcüstan prezidentinin Azərbaycandan sonra Ermənistana səfər edəcəyi barədə məlumat vermişdi.