Milli Məclisin payız sessiyasında Azərbaycanın işğal olunmuş əraziləri ilə bağlı qanun layihəsi müzakirəyə çıxarıla bilər.
Bu barədə Oxu.Az-a açıqlamasında Milli Məclisin deputatı, Dağlıq Qarabağ bölgəsinin Azərbaycanlı İcmasının rəhbəri Tural Gəncəliyev deyib.
O bildirib ki, qanun layihəsinin üzərində iş aparılır.
Bundan əvvəl, 2011-ci ildə deputat Qüdrət Həsənquliyev Milli Məclisə “Azərbaycan Respublikasının işğal edilmiş əraziləri haqqında” qanun layihəsi təqdim edib.
T.Gəncəliyev isə deyib ki, yeni hazırlanan qanun layihəsinin Q.Həsənquliyevin müəllifi olduğu sənədlə əlaqəsi yoxdur.
Məsələ ilə bağlı Q.Həsənquliyev də saytımıza açıqlama verib. Millət vəkili söyləyib ki, təki qanun qəbul edilsin.
“Həmin qanun layihəsini özləri hazırlayırlar. Təki qəbul olunsun. Müzakirələr zamanı yəqin ki, mən də təkliflər verərəm”,- deyə Q.Həsənquliyev əlavə edib.
Aqşin Kərimov
