11 
Yan
2019
15:41
140
23
6545
Virtual karabakh

Sumqayıtda direktordan prokurorluğa şikayət etdilər

Sumqayıt şəhər 9 nömrəli tam orta məktəbdə direktorla müavin arasında qalmaqal yaşanıb.

Oxu.Az-ın məlumatına görə, 9 saylı orta məktəbin direktor müavini Təranə Nəsirova Sumqayıt şəhər prokurorluğuna sözügedən məktəbin direktoru Həqiqət Abdullayeva barəsində şikayət ərizəsi ilə müraciət edib.

İddiaya görə, T.Nəsirova ərizədə Həqiqət Abdullayevanın onu ölüm həddinə çatdırdığını, şərəf və ləyaqətini tapdaladığını, təhqir etdiyini yazıb. 

Oxu.Az məsələ ilə bağlı məktəb direktoru H.Abdullayeva ilə əlaqə saxlamağa çalışıb.

Özümüzü təqdim etdikdən sonra qarşı tərəf çox kobud şəkildə “bu barədə danışmaq istəmirəm, bu söhbəti kim yayıbsa, gedin, onunla əlaqə saxlayın” deyərək telefonu üzümüzə bağlayıb. 

Sumqayıt Şəhər Təhsil şöbəsinin aparıcı məsləhətçisi Oqtay Nuriyev məsələ iə bağlı Oxu.Az-a açıqlama verib. Onun sözlərinə görə, Nazirliyinin göstərişi əsasında məsələnin aydınlaşdırılması istiqamətində komissiya yaradılıb:

“Hazırda Ərazi Maliyyə Hesablaşma Mərkəzi və Təhsil şöbəsi əməkdaşlarının iştirakı ilə komissiya yaradılıb. Yoxlama başladılıb. Yekun nəticələr barədə ictimaiyyətə məlumat veriləcək”.

9 saylı orta məktəbdən bildirdilər ki, məktəb direktoru və direktor müavini otaqlarında yoxdur.

Qeyd edək ki, bu barədə ilk məlumat Ölkə.Az saytında yayımlanıb.

Könül Cəfərli 

Bizimlə əlaqə saxlayın

Digər Cəmiyyət xəbərləri