Səhiyyə mütəxəssisi ailə daxilində koronavirus yoluxmalarından danışdı

Ailədə bir nəfərdə COVID-19 testinin nəticəsi pozitiv çıxıbsa, onunla təmasda olan şəxs dərhal peyvənd vurdursa belə, bu effekt verməyəcək.

Oxu.Az xəbər verir ki, bunu Səhiyyə Nazirliyinin mütəxəssis-eksperti Təyyar Eyvazov canlı yayımda sualları cavablandıran zaman deyib.

O bildirib ki, ailə daxilində onunla təmasda olan şəxs izolyasiya edilməldir:

“14 gün gözləmək lazımdır. Karantin müddəti bitdikdən sonra peyvənd vurulması tövsiyə edilir. Çünki ailədə kimsə virusa yoluxubsa, kimsə də təşvişə düşüb peyvənd vurdurmamalıdır. Bu heç bir effekt verməyəcək. Yaxşı olar ki, izolyasiya olunsunlar və karantin müddəti bitdikdən sonra vaksinasiya olunsunlar”.

Könül Cəfərli