“Protein tozu yedik” - Dağıntılar altında 198 saat qalan qardaşlar yaşadıqları barədə - YENİLƏNİB + FOTO/VİDEO

Kahramanmaraşda baş verən zəlzələnin 198-ci saatında dağıntılar altından çıxarılan Enes və Baki Yeniar qardaşları yaşadıqlarını danışıblar.

“Adətimiz üzrə səhərlər qardaşımla işə gedirdik. Telefonda saatı qurdum və bu gün tez qalxaq dedim. Yuxudan oyandım, bərk şəkildə yırğalandım. “Qardaş, qalx”, - dedim. Yuxarı mərtəbənin divarları üstümə gəldi. Telefonu tapmasaydıq, indi həyatda olmayacaqdıq. Adətən, idmanla məşğul olduğum üçün siyirtməmə protein tozu qoyuram. Su da qoyurdum, amma onu tapa bilmədim. Qardaşımla paylaşdıq”, - deyə qardaşlardan Enes Yeniar bildirib.

“Dağıntılar altında 12 gün saydım mən. İçimiz rahat idi. Telefonu tapmağım şans oldu, qardaşım məndən üstdə idi. İçəriyə təmiz hava axını girirdi. Allaha dua etdik. Protein tozu ilə qidalandıq. İdrarımızı içməyə məcbur olduq. Bir az ürəkbulanma oldu. Zamanın çoxunu yatdıq, qardaşımla qucaqlaşıb yatdıq. Şükür Allaha, sağ-salamat çıxdıq, inşallah, digərləri də çıxarlar. Allah hamıdan razı olsun”, - deyə digər qardaş Baki Yeniar qeyd edib.

10:30

Türkiyədə baş vermiş zəlzələ ilə bağlı qardaş ölkəyə gedən Azərbaycanın Fövqəladə Hallar Nazirliyinin (FHN) bir qrup əməkdaşı Kahramanmaraş şəhərində axtarış-xilasetmə əməliyyatları zamanı 198 saatdan sonra binanın dağıntıları altından iki nəfəri sağ çıxarıblar.

“Report”un Türkiyəyə ezam olunmuş əməkdaşının xəbərinə görə, Azərbaycanın xilasediciləri iki qardaşı – 17 yaşlı Muhammed Enes və 21 yaşlı Abdulbakini - uçurumların atından xilas edərək aidiyyəti üzrə təhvil veriliblər.

Hazırda axtarış-xilasetmə əməliyyatları davam etdirilir.