Tovuzda iki maşın toqquşdu: Ölən və xəsarət alan şəxlərin adları AÇIQLANDI - YENİLƏNİB

Tovuzda yol-nəqliyyat hadisəsi zamanı ölən və xəsarət alan şəxslərin adları açıqlanıb.

“Report”un məlumatına görə, hadisə nəticəsində 1985-ci il təvəllüdlü Yaqubəliyev Elçin hadisə yerində dünyasını dəyişib, Kərimov Vüsal isə xəsarət alıb və xəstəxanaya yerləşdirilib.

Faktla bağlı araşdırma davam etdirilir.

20:26

Tovuzda yol-nəqliyyat hadisəsi olub, ölən və xəsarət alan var.

“Report”un məlumatına görə, hadisə Bakı-Qazax magistral yolunun Tovuz rayonun Əlimərdanlı kənd ərazisindən keçən hissəsində baş verib.

Körpü üzərində iki avtomobilin toqquşması nəticəsində bir nəfər hadisə yerində dünyasını dəyişib, daha bir nəfər isə müxtəlif bədən xəsarətləri alıb və xəstəxanaya yerləşdirilib.

Onun vəziyyəti orta-ağır qiymətləndirilir. Hər ikisinin şəxsiyyəti dəqiqləşdirilir.

Faktla bağlı araşdırma aparılır.