Bu gün “Viva La Vida” beynəlxalq konqres və sərginin ikinci günüdür - FOTO

Bakıda “Viva La Vida” uzunömürlülük üzrə ilk beynəlxalq konqres və sərginin ikinci günü keçirilir.

Oxu.Az xəbər verir ki, tədbir Nənələr qrupunun “Qarabağ” musiqisinin ifası ilə başlayıb. 

Tədbirdə dünyanın müxtəlif ölkələrindən dəvət olunmuş 21 spikerin çıxış edəcəyi nəzərdə tutulur.

Bu gün xüsusən gen terapiya ilə bağlı bir çox mövzularda spikerlərin çıxışları olacaq.

Spikerlər kişi və qadın uzunömürlülüyü, mental uzunömürlülük və digər profilaktik, fərdiləşmiş təbabət haqqında məlumat və tövsiyələr verəcəklər. 

Estetik və Sağlamlıq Assosiasiyasının üzvü Həcər Cəfərova bildirib ki, növbəti festival sentyabrın 25-dən oktyabrın 5-ə qədər davam edəcək.

Qeyd edək ki, konqres bu gün başa çatır.

Daha çox foto burada: PhotoStock.az

Nəzrin Vahid