Bakıda nənənin iki yaşlı nəvəsindən imtina etməsi ilə bağlı AÇIQLAMA - YENİLƏNİB

Nənə iki yaşlı nəvəsinə baxa bilmədiyi üçün sığınacağa vernək istəyir.

Bu barədə Azərbaycan Uşaq Birliyinin sədri Kəmalə Ağazadə sosial şəbəkə hesabında məlumat yayıb.

Məsələ barədə Əmək və Əhalinin Sosial Müdafiəsi Nazirliyi ilə əlaqə saxladıq.

Nazirliyinin tabeliyindəki Sosial Xidmətlər Agentliyinin İctimaiyyətlə Əlaqələr Şöbəsindən Oxu.Az-ın sorğusuna cavab olaraq bildirilib ki, qurumun əməkdaşları ailənin yaşadığı ünvanda olub:

“Qiymətləndirmə zamanı ailənin yaşadığı evin iki yaşlı körpənin fiziki inkişafı baxımından uyğun olmadığı səbəbindən nənəsi Fatma Əliyevanın da iştirakı ilə uşaq sığınacağına yerləşdirilib”.

İlhamə Əbülfət

15:04 (11.05.2023)

Bakıda 68 yaşlı qadın qeyri-rəsmi övladlığa götürdüyü qızdan imtina edib.

Bu barədə Azərbaycan Uşaq Birliyinin sədri Kəmalə Ağazadə sosial şəbəkə hesabında məlumat yayıb.

“Qadın 68 yaşındadır. Bildirib ki, qız 14 yaşındadır. Həmin qızı qeyri-rəsmi övladlığa götürüb. Bu günə qədər uşağa hələ də vəsiqə almayıb”, - deyə o qeyd edib.

K.Ağazadə qeyd edib ki, övladdan imtina ilə bağlı daha bir müraciət var:

“Bir qadın bizə müraciət edərək bildirib ki, iki yaşlı nəvəsini özü baxa bilmədiyindən sığınacağa təhvil vermək istəyir. Hər iki məsələni Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinə istiqamətləndirdim. Hazırda işlə bağlı araşdırma gedir”.