Azərbaycanda məktəbli qız qaçırıldı

Salyan rayonunda məktəbli qız qaçırılıb. 

Bu barədə məlumat sosial şəbəkələrdə yayılıb. 

Bildirilib ki, qız rayonun Qarabağlı kənd 2 saylı tam orta məktəbinin IX sinif şagirdidir. 

Daxili İşlər Nazirliyinin Mətbuat Xidmətinin Şirvan regional qrupundan Oxu.Az-a bildirilib ki, qızın atası tərəfindən polisə müraciət daxil olub:

“Bu gün Salyan rayonunun Qarabağlı kənd sakini S.Cavadov rayon polis şöbəsinə ərizə ilə müraciət edib. O, qızının həmkəndlisi tərəfindən ailə qurmaq məqsədilə qaçırıldığını bildirib. Daxil olan məlumatla əlaqədar araşdırma aparılır”.

İlhamə Əbülfət