30 
Noy
2023
12:32
14
82
905
Virtual karabakh

Bələdiyyələrin büdcə gəlirləri, topladığı vergilər, icarə haqqı artıb

30 Noy, 2023
12:32
905

Bələdiyyələrin büdcə gəlirləri, topladığı vergilər, icarə haqqı artıb

Bizim WhatsApp kanalımıza buradan abunə ola bilərsiniz

Bələdiyyələrin büdcə gəlirləri, topladığı vergilər, icarə haqqı artıb.

“Report” xəbər verir ki, bu barədə Ədliyyə Nazirliyinin Bələdiyyələrlə İş Mərkəzinin rəisi Rəhman Məmmədov parlamentdə “Azərbaycanda yerli demokratiyanın, özünüidarəetmənin və regionların inkişafında Heydər Əliyev irsi” mövzusunda keçirilən ictimai dinləmə zamanı məlumat verib.

Onun sözlərinə görə, yerli büdcə gəlirlərinin artımına nail olmaq üçün bələdiyyə mülkiyyətində olan torpaq sahələrindən səmərəli istifadə olunması, xüsusən icarəyə verilmiş torpaq sahələrinin icarə haqlarının mövcud bazar məzənnələrinə uyğunlaşdırılması üçün bələdiyyələrlə davamlı iş aparılır:

“2021-2022-ci illər ərzində bələdiyyələr tərəfindən 34 min hektardan çox torpaq sahəsini əhatə edən 3900-dən artıq icarə müqaviləsi üzrə qiymətlərin bazar məzənnələrinə uyğunlaşdırılması nəticəsində həmin icarə müqavilələri üzrə ümumilikdə icarə haqqının məbləği 1,5 milyon manat artaraq 2,9 milyon manata qalxıb”.

R.Məmmədov bildirib ki, ölkə üzrə bələdiyyə büdcələrinin gəlirləri 2022-ci ilin yekunlarına görə 47,4 milyon manat təşkil edib:

“2020-2022-ci illərdə bələdiyyələrin ümumi büdcə gəlirləri 2019-cu illə müqayisədə 12,4 milyon manat (35%), yerli vergilərdən daxilolmalar isə 6 milyon manat (43%) artıb. Bakı bələdiyyələri üzrə isə son iki ildə büdcə gəlirləri 58%, yerli vergilərdən daxilolmalar isə 73% artıb”.

Bizimlə əlaqə saxlayın

Digər Cəmiyyət xəbərləri