21 
Fev
2024
18:38
114
59
2098
Virtual karabakh

Şəfiqə Məmmədova birləşmiş kino ittifaqının sədri postuna namizəddir - YENİLƏNİB

21 Fev, 2024
18:38
2098

Şəfiqə Məmmədova birləşmiş kino ittifaqının sədri postuna namizəddir - YENİLƏNİB

Bizim WhatsApp kanalımıza buradan abunə ola bilərsiniz

Xalq artisti Şəfiqə Məmmədova Azərbaycan Respublikası Kinematoqrafçılar İttifaqından birləşmiş kino ittifaqının sədri postuna namizəddir.

Bu barədə APA-nın sorğusuna cavab olaraq ARKİ-dən məlumat verilib.

“Konfransda sədrlik postuna digər namizədlərin olması istisna deyil”, - sorğuya cavabda deyilir.

Qeyd edək ki, Azərbaycan Kinematoqrafçılar İttifaqı (AKİ) və Azərbaycan Respublikası Kinematoqrafçılar İttifaqının (ARKİ) birləşmiş konfransı 5 mart tarixində keçiriləcək. O hazırda ARKİ-nin sədridir. AKİ-nin namizədi isə hazırda İttifaqın sədri olan Xalq artisti Rasim Balayevdir.

14:20

Azərbaycan Kinematoqrafçılar İttifaqı (AKİ) və Azərbaycan Respublikası Kinematoqrafçılar İttifaqının (ARKİ) birləşmiş konfransının vaxtı məlum olub.

Azərbaycan Kinematoqrafçılar İttifaqının katibi rejissor Əlisa Cabbarov APA-nın sorğusuna cavab olaraq bildirib ki, konfrans martın 5-də keçiriləcək.

“Konfransın gündəliyində duran məsələlərə birləşmiş kino ittifaqının yaradılmasının rəsmiləşdirilməsi və eləcə də ona sədr və idarə heyətinin seçilməsi daxildir”, - deyə katib qeyd edib.

Onun sözlərinə görə, hələlik sədr postuna elan edilən tək namizəd Xalq artisti Rasim Balayevdir:

“Rasim Balayev Azərbaycan Kinematoqrafçılar İttifaqının namizədidir. Azərbaycan Respublikası Kinematoqrafçılar İttifaqı da, sözsüz, öz namizədini elə konfransda da elan edə bilər”.

Bizimlə əlaqə saxlayın

Digər Cəmiyyət xəbərləri