24 
Fev
2024
13:11
181
10
1603
Virtual karabakh

Evin təmir-tikinti alətlərinə, velosipedə, akkumulyatorlara tamah salanlar ələ keçdilər - FOTO

24 Fev, 2024
13:11
1603

Evin təmir-tikinti alətlərinə, velosipedə, akkumulyatorlara tamah salanlar ələ keçdilər - FOTO

Bizim WhatsApp kanalımıza buradan abunə ola bilərsiniz

Şirvanda oğurluq edən iki nəfər saxlanılıb.

Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, Şirvan Şəhər Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində şəhər ərazisində bir avtomobildən akkumulyator oğurlamaqda şübhəli bilinən şəhər sakinləri Kamal Göyüşov və Zaur Pənahov saxlanılıblar.

Dindirilmə zamanı hər iki şəxs törətdikləri oğurluq faktını etiraf ediblər.

Həmin şəxslərin ətrafında aparılan istintaq hərəkətləri zamanı Z.Pənahovun törətdiyi digər oğurluq faktlarının üstü də açılıb. Belə ki, araşdırmalar zamanı məlum olub ki, həmin şəxs ötən ilin dekabr və cari ilin fevral ayı ərzində müxtəlif vaxtlarda şəhər ərazisində yerləşən beş fərdi yaşayış evindən müxtəlif növ təmir-tikinti alətləri və materialları, velosiped, akkumulyator və səs gücləndirici oğurlayaraq zərərçəkmişlərə ümumilikdə 3480 manat maddi ziyan vurub.

Faktla bağlı Şirvan Şəhər Polis Şöbəsinin İstintaq Bölməsində cinayət işi açılıb, saxlanılan şəxslər barəsində şəhər məhkəməsinin qərarı ilə həbs qətimkan tədbirləri seçilib.

Araşdırmalar davam etdirilir.

Bizimlə əlaqə saxlayın

Digər Cəmiyyət xəbərləri