28 
Fev
2024
18:34
9
201
2359
Virtual karabakh

İsmayıllıda iki yük maşını toqquşub, xəsarət alanlar var - YENİLƏNİB + VİDEO

28 Fev, 2024
18:34
2359

İsmayıllıda iki yük maşını toqquşub, xəsarət alanlar var - YENİLƏNİB + VİDEO

Bizim WhatsApp kanalımıza buradan abunə ola bilərsiniz

İsmayıllıda iki yük maşınının toqquşması nəticəsində iki nəfər xəsarət alıb.

APA xəbər verir ki, hadisə nəticəsində 1960-cı il təvəllüdlü Elçin Musa oğlu Mahmudov və 1977-ci il təvəllüdlü, Ucar rayon sakini Hafiz Arif oğlu Babayev ağır bədən xəsarətləri alıblar.

H.Babayev Bakıdakı özəl xəstəxanalardan birinə aparılıb.

Faktla bağlı araşdırma aparılır.

12:32

Fövqəladə Hallar Nazirliyinin (FHN) “112” qaynar telefon xəttinə İsmayıllı rayonu, Qurbanəfəndi kəndi ərazisində yol-nəqliyyat hadisəsinin baş verməsi və vətəndaşların avtomobildə sıxılı vəziyyətdə qalması barədə məlumat daxil olub.

Oxu.Az nazirliyə istinadən xəbər verir ki, daxil olan məlumatla əlaqədar hadisə yerinə dərhal FHN-in Dövlət Yanğından Mühafizə Xidməti İsmayıllı Rayon Yanğından Mühafizə Hissəsinin yanğınsöndürən-xilasediciləri cəlb edilib.

Hadisə yerində əməliyyat şəraiti qiymətləndirilərkən müəyyən olunub ki, “Shacman” və “Isuzu” markalı yük avtomobillərinin toqquşması nəticəsində qəza baş verib və sürücülər deformasiyaya uğramış avtomobillərdə sıxılmış vəziyyətdə qalıblar.

Yanğınsöndürən-xilasedicilər tərəfindən xüsusi xilasetmə vasitələrindən istifadə olunmaqla avtomobillərdə sıxılmış vəziyyətdə qalan və müxtəlif bədən xəsarətləri alan sürücülər xilas edilərək təcili tibbi yardım briqadasına təhvil verilib.

Hadisə ilə əlaqədar müvafiq qurumlar tərəfindən təhqiqat aparılır.

Bizimlə əlaqə saxlayın

Digər Cəmiyyət xəbərləri