PSJ Messi transferini rəsmən açıqladı - YENİLƏNİB+VİDEO

PSJ Lionel Messinin transferini rəsmən açıqlayıb.

Müvafiq videoçarx klubun “Twitter” səhifəsində yayımlanıb.

Klubun mətbuat xidmətindən yayılan məlumata görə, Messi ilə 2+1 prinsipi əsasında müqavilə imzalanıb. Sənəddə Argentina millisinin futbolçusunun Fransa klubu üzərindəki prioriteti də öz əksini tapıb. 

“PSJ-də karyeramın yeni fəslini başlamağıma çox şadam. Klubda hər şey mənim futbol ambisiyalarıma uyğun gəlir. Mən burada necə istedadlı kollektiv və məşqçi heyətinin olduğunu bilirəm. “Park de Prens”in meydançasına çıxmağı səbirsizliklə gözləyirəm”, – deyə Lionel Messi jurnalistlərə açıqlamasında bildirib.

Qeyd edək ki, 34 yaşlı futbolçu Fransa klubunda 30 nömrəli forma ilə çıxış edəcək.

A new 💎 in Paris !

PSGxMESSI ❤️💙 pic.twitter.com/2JpYSRtpCy

— Paris Saint-Germain (@PSG_inside) August 10, 2021

18:52

PSJ klubu hücumçu Lionel Messinin komandaya keçidini anons edib.

Klubun “Twitter” səhifəsində müvafiq videoçarx yerləşdirilib.

Görüntülərdəki 6 qızıl top və Argentina millisinin idman geyimi məhz Messinin transferinə işarədir.

Qeyd edək ki, futbolçunun Paris klubuna keçidinin rəsmən elan ediləcəyi güman edilən mətbuat konfransı sabah Bakı vaxtilə saat 13:00-da baş tutacaq.

👀 pic.twitter.com/y5IbqL69Z4

— Paris Saint-Germain (@PSG_inside) August 10, 2021