Nicat Abasov Dünya Kubokunun yarımfinalında: Maqnus Karlsenlə qarşılaşacaq - YENİLƏNİB + VİDEO

Bakıda keçirilən Dünya Kubokunun yarımfinalında Azərbaycan şahmatçısı Nicat Abasov norveçli qrossmeyster Maqnus Karlsenlə qarşılaşacaq.

Oxu.Az xəbər verir ki, turnirin 1/4 finalında M.Karlsen hindistanlı Qukeş Dommaraju ilə qarşılaşıb.

İlk klassik oyunda norveçli qalib gəlib, ikincidə isə heç-heçə qeydə alınıb (ümumi hesab: 1,5 - 0,5).

18:23

Azərbaycan şahmatçısı Nicat Abasov Bakıda təşkil olunan Dünya Kubokunda yarımfinala yüksəlib.

Oxu.Az xəbər verir ki, 28 yaşlı qrossmeyster 1/4 final mərhələsinin cavab oyununda Hindistan təmsilçisi Vidit Santoşu məğlub edib - 1:0.

İlk qarşılaşma heç-heçə başa çatmışdı.

Qeyd edək ki, Nicat Abasov 1/8 final mərhələsində Birləşmiş Ərəb Əmirliklərindən olan Saleh Salemi, Vidit Santoş isə Beynəlxalq Şahmat Federasiyanın bayrağı altında çıxış edən rusiyalı Yan Nepomnyaşini mübarizədən kənarlaşdırıb.