Rusiya və İsrail arasında diplomatik qalmaqal - YENİLƏNİB
Rusiya və İsrail arasında diplomatik qalmaqal - YENİLƏNİB
Suriyada Rusiyaya məxsus İl-20 təyyarəsinin vurulması insidenti ilə bağlı İsrailin Moskvadakı səfiri Qarri Koren Rusiya Xarici İşlər Nazirliyinə çağırılıb.
Oxu.Az xəbər verir ki, bununla bağlı “Reuters” məlumat yayıb.
Qeyd edək ki, bu gün İsrail müdafiə naziri Aviqdor Liberman və Rusiya müdafiə naziri Sergey Şoyqu arasında baş tutan telefon danışığında bu məsələ müzakirə edilib.
14:38
Rusiya müdafiə naziri Sergey Şoyqu israilli həmkarı Aviqdor Libermanla telefon danışığında bildirib ki, Aralıq dənizi üzərində Rusiyaya məxsus İl-20 təyyarəsinin vurulmasında İsrail günahkardır.
Oxu.Az TASS agentliyinə istinadla xəbər verir ki, bununla bağlı Rusiya Müdafiə Nazirliyi məlumat yayıb.
“Təyyarənin vurulması və ekipaj üzvünün həlak olmasında məsuliyyəti İsrail daşıyır. Rusiya Müdafiə Nazirliyi İsrail tərəfini Suriyada rusiyalı hərbçilərə təhlükə törədən hücumlardan qaçmağa çağırır”, - nazir deyib.
Oxu.Az yeniləndi!