Gürcüstanda növbəti donuz qripi xəstəsi öldü

Gürcüstanda  H1N1 virusuna yoluxan bir qadın Qori xəstəxanasında vəfat edib.

Oxu.Az xəbər verir ki, bu haqda Gürcüstan KİV məlumat yayılıb.

39 yaşlı beş uşaq anası bir gün əvvəl qrip simptomları ilə ağır vəziyyətdə Qori kliniki xəstəxanasına çatdırılıb. Həkimlər pasiyentin həyatını xilas edə bilməyib.

Xəstəxana rəsmisinin verdiyi açıqlamaya görə, qadında xəstəliyin fəsadlaşması baş verdiyindən tibbi müdaxilə heç bir fayda verməyib. Hazırda qadından götürülmüş nümunə əsasında laborator şəraitdə onun H1N1 virusuna yoluxub-yoluxmadığı araşdırılır.

Bundan əvvəl dekabrın sonunda H1N1 virusundan iki nəfərin öldüyü təsdiq olunmuşdu. Qurbanlardan biri Batumi, digəri Kutaisi sakini olub.