Kazan qatili törətdiyi cinayətin səbəblərini açıqlayıb

Kazan məktəbinə silahlı hücum təşkil edən İlnaz Qələviyev ilkin ifadəsində törətdiyi cinayətin səbəblərini açıqlayıb.

Lenta.ru portalının məlumatına görə, o, Allah olduğunu bəyan edib.

“Mən kütləvi qatil olmağı planlaşdırmışdım. Bu qərara arpelin 1-də evdə olarkən gəlmişdim. O zaman anladım ki, mən Allaham, mən hər şeyə qadirəm, nə istəsəm, kiminlə istəsəm edə bilərəm. Mən başa düşdüm ki, kainatdakı bütün varlıqlardan qurtulmaq üçün insan cildində bu dünyaya gəlmişəm”, - deyə Qələviyev bildirib.

Qatil əlavə edib ki, bütün insanlara onun qulları olduqlarını göstərmək üçün kütləvi qətl törədib. Qələviyevin sözlərinə görə, onun qullarından hər biri əvvəlcə 10-dan çox adam öldürməli, sonra isə özlərinə qəsd etməlidir.