Türkiyədə dəhşətli zəlzələdə SON DURUM - YENİLƏNİB + VİDEO

Bu gün səhər saatlarında Türkiyədə 7,4 bal gücündə zəlzələ baş verib.

 Zəlzələ nəticəsində 1710 bina dağılıb, azı 284 nəfər həlak olub, 2323 nəfər yaralanıb.

“Haber Global” televiziyası zəlzələ baş verən ərazilərdən canlı yayıma davam edir:

07:27

Bu gün Türkiyədə çox sayda insanın ölümünə və dağıntılara səbəb olan dəhşətli zəlzələ baş verib. 

Haber Global dağıntılar olan yerdən canlı yayıma çıxıb: 

06:51

Türkiyədə 7.4 maqnitudalı zəlzələ olub.

Oxu.Az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, zəlzələnin ocağı Kahramanmaraş şəhərinin Pazarcık rayonu ərazisində 7 km dərinlikdə olub.

Yeraltı təkanlar Bakı vaxtı ilə 05:17-də qeydə alınıb. Zəlzələ Ankara daxil olmaqla ölkənin bir çox şəhərlərində hiss edilib.

Çox sayda yaşayış binasının və ictimai-iaşə obyektlərinin dağıldığı bildirilir.

Hətt bəzi şəxslər dağıntılar altında canlı yayıma çıxaraq olduqları yer barədə məlumat verir, yardım göstərilməsi üçün çağırışlar edirlər. 

Qeyd edək ki, baş verən güclü zəlzələdən sonra Qaziantep şəhərində 6.4 maqnitudalı afterşok qeydə alınıb.