2013-cü ildə Bostonda marafon zamanı partlayışlara görə əsas ittiham edilən şəxs Coxar Tsarnayevə ölüm hökmü oxunub. Bu barədə Boston Globe bildirib.
Oxu.Az xəbər verir ki, bu qərar andlıların on ikisi tərəfindən yekdilliklə qəbul edilib. Andlılar kollegiyası hökmün müzakirəsinə mayın 14-də başlayıb.
Tsarnayevin işi üzrə dinləmə aprelin 21-də başlanılıb. Tsarnayev ona qarşı irəli sürülən ittihamın 30 bəndi üzrə təqsirli bilinib, bu bəndlərdən 17-si edam cəzasını nəzərdə tuturdu. İttiham qardaşların əlbir fəaliyyət göstərdiyini etiraf etməyi tələb edir.
Daha öncə xəbər verilmişdi ki, Coxar Tsarnayevin vəkili müdafiə etdiyi şəxsin həyatının saxlanılmasını andlılardan xahiş etmişdi.
