Polşa Ukrayna taxılının idxalı üçün sərhədləri açmayacaq.
Bu barədə Polşanın baş naziri Mateuş Moravetski özünün “X” sosial şəbəkə hesabında yazıb.
“Polşa Ukrayna taxılının ölkəni batırmasına imkan verməyəcək. Brüssel rəsmilərinin qərarı nə olursa olsun, biz sərhədlərimizi açmayacağıq”, - deyə Moravetski yazıb.
O, hökumətin yerli fermerlərin və onların məhsullarının qorunmasına zəmanət verdiyini xatırladıb və bununla bağlı video yayımlayıb. Süjetdə, həmçinin qeyd olunur ki, Varşavanın sərt mövqeyi Ukrayna taxılının Aİ bazarlarına idxalını dayandırıb.
Bundan əvvəl Polşanın kənd təsərrüfatı və kənd inkişafı naziri Robert Telus bildirib ki, Polşa, Macarıstan, Bolqarıstan, Rumıniya və Slovakiya 2023-cü ilin sonuna qədər Ukraynadan taxıl idxalına qadağa qoyulması tələbi ilə Aİ rəhbərliyinə müraciət etməyə razılaşıblar.
Polska nie pozwoli, żeby zalało nas ukraińskie zboże.
— Mateusz Morawiecki (@MorawieckiM) September 12, 2023
Niezależnie od tego, jaka będzie decyzja brukselskich urzędników, nie otworzymy naszych granic. https://t.co/KvqvIYWQFz
Mənbə: Gazeta.ru
