Afrika liderləri çevrilişlərin qarşısını almaq üçün təhlükəsizlik qüvvələrinin tərkibini dəyişirlər

Bir neçə Afrika ölkəsinin liderləri qitə ölkələrində baş verən silsilə çevrilişlərdən sonra belə hadisələrin qarşısını almaq üçün təhlükəsizlik qüvvələrinin yüksək tərkibini dəyişmək qərarına gəliblər.

Məlumatına görə, Qabondakı hərbi çevrilişdən bir neçə saat sonra Kamerun prezidenti 90 yaşlı Pol Biya bir neçə təhlükəsizlik müşavirini Müdafiə Nazirliyində yüksək vəzifələrə təyin edib. Həmçinin Ruanda prezidenti Pol Kaqame 10-dan çox generalı və 600-dən çox yüksəkrütbəli zabiti vəzifəsindən azad edib. Qvineya-Bisau prezidenti Umaru Sisoku Embalo iki yeni təhlükəsizlik rəisi təyin edib, Uqandanın 78 yaşlı lideri Yoveri Museveni isə ABŞ-də təlim keçmiş polis rəisi general Kale Kayihura və daha 11 generalı vəzifəsindən azad edib. Syerra-Leonedə ötən ay 10-dan çox yüksəkrütbəli hərbçi və bir neçə polis məmuru saxlanılıb və onlar ölkə lideri Culius Maada Bionu devirməyə cəhddə ittiham olunublar.

“Oxford Economics Africa” siyasi-iqtisadi risk modelinə görə, Ekvatorial Qvineya, Mavritaniya, Qambiya, Sierra Leone və Mərkəzi Afrika Respublikasının liderləri risk altındadırlar.

Mənbə: TASS