Fernandu Santuş: "Azərbaycan millisi hələ də komanda şəklində oynamağı bacarmır"

"Bizim ən böyük problemimiz komanda şəklində müdafiə olunmamaqdır".

Bunu Oxu.Az-ın sualını cavablandırarkən Azərbaycan millisinin baş məşqçisi Fernandu Santuş Belarus yığmasına qarşı keçirəcəkləri yoxlama görüşündən əvvəl mətbuat konfransında deyib.

"Hücumda hər şeyi yaxşı edə bilirik, amma müdafiə xəttində böyük problemlərimiz var. Komanda halında müdafiə olunsaq, daha yaxşı nəticə qazana bilərik. Haiti ilə görüşdə bir məşqimizi sadəcə tamamlayıcılığa, digərini isə sadəcə müdafiə üçün ayırmışdıq. Əlimizdən gələni etsək də, nəticə qazana bilmirik".

Qeyd edək ki, martın 25-də Masazırda "Bank Respublika Arena"da baş tutacaq Azərbaycan - Belarus matçının start fiti saat 21:45-də səsləndiriləcək.

Anar Həsənov