Fransa millisinin futbolçusu Nqolo Kante Malidə tibb mərkəzi inşa etdirir.
Oxu.Az xəbər verir ki, bu barədə tanınmış insayder Fabritsio Romano məlumat yayıb.
Mənbənin məlumatına görə, səhiyyə ocağının tikintisi futbolçuya beş milyon dollara başa gələcək.
Qeyd edək ki, bu, Kante tərəfindən ilk xeyriyyə addımı deyil. O, bundan əvvəl Malidə məktəb və uşaq bağçaları tikdirib. Nqolo Fransada anadan olmasına baxmayaraq, valideynləri vaxtilə Parisə Malidən köçüblər.
Kante 2023-cü ildən Səudiyyə Ərəbistanının "Əl-İttihad" klubunda çıxış edir.
