1989-cu il sentyabrın 5-də Abşeron rayon, Məmmədli kəndində anadan olub. İbtidai və orta təhsili sözügedən kəndin təhsil müəssisəsində alıb. 2007-ci ildə keçmiş Azərbaycan Beynəlxalq Universitetinin (ABU) Jurnalistika fakültəsinə qəbul olub. 2010-cu ildə təhsilini Bakı Avrasiya Universitetinin (BAAU) Jurnalistika fakültəsində davam etdirib. Həmin ildən etibarən ATV telekanalının "ATV Magazine" jurnalında yazar kimi fəaliyyətə başlayıb. 2011-ci ildə hərbi xidmətə yollanıb. Hava Hücumundan Müdafiə Qüvvələrinin N saylı hərbi hissəsində xidməti 2012-ci ildə başa vurub. 2014-cü ildən həmin dövr üçün ölkənin ilk və ən böyük şou-biznes portalında fəaliyyətini davam etdirib. 2016-cı ildən 2023-cü ilədək Milli.Az xəbər portalında müxbir, redaktor, baş redaktor vəzifələrində çalışıb. 2023-2024-cü ildə Trend Beynəlxalq İnformasiya Agentliyinin Azərbaycan redaksiyasının rəhbəri vəzifəsini icra edib. 2024-cü ildə öz istəyi ilə tutduğu vəzifədən uzaqlaşıb. 2025-ci ilin əvvəlindən fəaliyyətini redaktor kimi Oxu.Az saytında davam etdirir.