Sakinləri təngə gətirən yol: "Maşın sürə bilmirik, gəlib üstümüzə çıxırlar"

Samux rayonunun Lək kəndinin sakinləri kəndarası yolların baxımsız olmasından şikayətlənirlər.

Onların sözlərinə görə, uzun müddətdir təmir edilməyən yollardan yayda toz-torpaq, qışda isə palçıq səbəbindən istifadə etmək günü-gündən müşkülə çevrilir.

Sakinlər deyirlər ki, kəndarası yolların baxımsız olması qəza riskini də artırır. Belə ki, sürücülərin maşınları yollardakı çalalara salmamaq üçün tez-tez hərəkət istiqamətini dəyişməsi bir-biriləri üçün təhlükə yaradır.

"Yolda maşın sürə bilmirik. Keçən gün az qala qarşıdan gələn avtomobillə toqquşmuşduq. Yolların hamısı oyuq-oyuqdur", - deyə kənd sakini söyləyib.

Məsələ ilə bağlı Lək bələdiyyəsinin sədri Cəsur Məmmədov açıqlama verib:

"Kəndimizdə əsas yol var, bu köhnə asfaltdır. Oraya mütəmadi olaraq çınqıl tökürük. Yaxın günlərdə yolu təmir etmək planımızdadır".

Daha ətraflı Baku TV-nin materialında:

Sakinləri təngə gətirən yol: "Maşın sürə bilmirik, gəlib üstümüzə çıxırlar"