Kür çayında batan gənclə bağlı bəzi detallar məlum olub.
Yeniyetmənin babası İbrahimxəlil Cəfərov bildirib ki, Səid Məmmədəliyev evdən çıxarkən çayxanaya gedəcəyini bildirib.
"Bizə dedi ki, 10-15 dəqiqə çay içib gələcəyəm. Az sonra atası zəng etdi ki, nəvən Kürdə boğulub".
Yaxınlarının sözlərinə görə, Səid Kürə nadir hallarda gedərmiş.
Qeyd edək ki, bu gün axşam saatlarında şəhər sakini 17 yaşlı Səid Səbuhi oğlu Məmmədəliyev Kür çayında batıb.
Ətraflı Baku TV-nin süjetində:
![](https://img.youtube.com/vi/TxKSWmgLeGc/sddefault.jpg)
Kürdə batan Səid hadisə zamanı tək olmayıbmış - DETALLAR
16.07.2024, 19:38
Kür çayında batan gənclə bağlı bəzi detallar məlum olub.
Oxu.Az-ın əldə etdiyi məlumata görə, hadisə zamanı Səid Məmmədəliyev tək olmayıb.
Sakinlər bildiriblər ki, hava isti olduğu üçün ərazidə gəzən Səid və dostları sərinləmək məqsədilə Kür çayına atılıblar. Lakin o, üzməyi bacarmadığından boğulmağa başlayıb, bu zaman yanındakı dostları onu xilas etmək üçün ağac budağı atıblar. Lakin gənci xilas edə bilməyiblər.
Qeyd edək ki, Səid Məmmədəliyev evin böyük oğludur, ailə əslən Zərdabın Gəlmə kəndindəndir.
Aytac Qasımova
18:51
Kür çayında batan Zərdab sakininin sosial şəbəkələrdə görüntüsü yayılıb.
Oxu.Az həmin fotoları təqdim edir:
Qeyd edək ki, iyunun 2-də Kür çayının Tovuz rayonunun Hunanlar kəndi ərazisindən keçən hissəsində batdıqları ehtimal olunan 2 nəfərin - 1988-ci il təvəllüdlü Elxan Sakit oğlu Sadıqov və 1989-cu il təvəllüdlü Tural Hüseyn oğlu Quliyevin axtarışları hələ də Fövqəladə Hallar Nazirliyi tərəfindən intensiv şəkildə davam etdirilir.
17:56
Zərdab sakini Kür çayında batıb.
APA-nın xəbərinə görə, bu gün axşam saatlarında şəhər sakini 17 yaşlı Səid Səbuhi oğlu Məmmədəliyev Kür çayında batıb.
Aidiyyəti qurumlar hadisə yerinə cəlb olunub.
Axtarışlara başlanılıb. S.Məmmədəliyevin hansı şəraitdə Kür çayında batması barədə hələlik dəqiq məlumat yoxdur.
Rəylər