Xırdalan şəhərində sakinləri narahat edən antisanitar vəziyyət aradan qaldırılıb.
Oxu.Az-ın əldə etdiyi məlumata görə, polisin müşayiəti ilə əraziyə cəlb olunan aidiyyəti dövlət orqanları tərəfindən antisanitar vəziyyət nəzarətə götürülüb və problem həllini tapıb.
AAAF Park Yaşayış Kompleksinin girişində məişət tullantıları antisanitar vəziyyət yaradıb.
Oxu.Az xəbər verir ki, bu barədə ərazidə yaşayan sakin paylaşım edib.
Sakinin sözlərinə görə, zibil qabının olmadığı əraziyə müxtəlif məişət tullantıları atılıb. Nəticədə küçədə böyük zibil yığını yaranıb.
Görüntülərdə plastik butulkalar, sellofan torbalar, karton və digər məişət tullantılarının yol kənarına səpələndiyi görünür.
Sakin ərazidə zibil qablarının yerləşdirilməsini və antisanitar vəziyyətin aradan qaldırılmasını xahiş edib.
