Abşeron rayonu, Novxanı kəndində fərdi yaşayış evində partlayış baş verməsi səbəbi ilə bu gün saat 08:10-də Respublika Təcili və Təxirəsalınmaz Tibbi Yardım Mərkəzinə çağırış daxil olub.
TƏBİB-dən Oxu.Az-a verilən xəbərə görə, hadisə yerinə 2 təcili tibbi yardım briqadası cəlb edilib:
"Hadisə nəticəsində 1-i qadın, 1-i kişi olmaqla xəsarət alan 2 nəfər Sumqayıt Tibb Mərkəzinin nəzdində olan Təcili Tibbi Yardım Xəstəxanasına hospitalizasiya olunub.
Reanimasiya şöbəsinə yerləşdirilən 1949-cu il təvəllüdlü şəxsə hər iki aşağı ətrafın və sifətin I, II, III dərəcəli yanığı, 1959-cu il təvəllüdlü şəxsə isə sol bud sümüyünün sınığı, sol əlin yarası diaqnozları təyin edilib. Müalicələri davam etdirilir, vəziyyətləri ağırdır".
Qeyd edək ki, xəsarət alanlar mərhum şahmat ustası Vüqar Həşimovun valideynləri Qasım Həşimov və Aidə Həşimovadır.
Novxanıda partlayış baş verən evdə xəsarət alanlar mərhum şahmat ustası Vüqar Həşimovun valideynləridir.
Bu barədə Oxu.Az APA-ya istinadən xəbər verir.
Fövqəladə Hallar Nazirliyinin (FHN) xilasediciləri tərəfindən həyata keçirilən operativ axtarış-xilasetmə əməliyyatı sayəsində Abşeron rayonu, Novxanı kəndində dağıntılar altından 2-ci vətəndaş sağ çıxarılaraq xilas edilib.
Bununla bağlı Oxu.Az-a FHN-dən məlumat verilib.
Əlavə məlumat veriləcək.
Abşeron rayonu, Novxanı kəndində fərdi yaşayış evində partlayış baş verib və dərhal əraziyə Fövqəladə Hallar Nazirliyinin (FHN) qüvvələri cəlb olunublar.
Bununla bağlı Oxu.Az-a FHN-dən məlumat verilib.
Xilasedicilər tərəfindən həyata keçirilən axtarış-xilasetmə tədbirləri nəticəsində dağıntı altından 1 nəfər sağ çıxarılaraq xilas edilib.
Əlavə məlumat veriləcək.
Fövqəladə Hallar Nazirliyinin (FHN) "112" qaynar telefon xəttinə Abşeron rayonu, Novxanı kəndində fərdi yaşayış evində partlayış baş verməsi barədə məlumat daxil olub.
Bu barədə Oxu.Az-a FHN Mətbuat Xidmətindən məlumat verilib.
Məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Əlavə məlumat veriləcək.
