Ağdaş rayonunun Ləki kəndi ərazisində baş verən yol-nəqliyyat hadisəsinin təfərrüatı məlum olub.
Oxu.Az-ın sorğusuna cavab olaraq Baş Dövlət Yol Polisi İdarəsindən (BDYPİ) bildirilib ki, hadisə iki avtomobilin toqquşması nəticəsində baş verib.
"Hadisə sentyabrın 2-si, saat 01:30-da Bakı Qazax yolunun 263-cü kilometrliyində qeydə alınıb.
99-JV-134 dövlət nömrə nişanlı "Isuzu" markalı avtomobili idarə edən 1977-ci il təvəllüdlü Elşən Elxan oğlu Muradov ötmə əməliyyatını düzgün həyata keçirmədiyi üçün Seymur Seyfi oğlu Manafovun idarə etdiyi 77-JH-203 dövlət nömrə nişanlı "Howo" markalı yük avtomobilinə çırpılıb.
Hadisə nəticəsində xəsarət alan olmayıb, avtomobillərə ziyan dəyib.
Faktla bağlı araşdırma aparılır", - deyə məlumatda bildirilir.
Ağdaş rayonunda yol-nəqliyyat hadisəsi baş verib.
Oxu.Az xəbər verir ki, bu barədə videogörüntü yayımlanıb.
Hadisə oktyabrın 2-si, saat 01:30-da Ləki qəsəbəsi ərazisində qeydə alınıb.
İlkin məlumata görə, "Isuzu" markalı, 99-JV-134 dövlət nömrə nişanlı yük avtomobili yol kənarındakı maneəyə çırpılıb.
Ölən və xəsarət alan olmayıb. Avtomobilə ciddi ziyan dəyib.
Əzizə İsmayılova
