"Avrasiya universitetləri sammiti çərçivəsində bir çox təhsil müəssisələri ilə əlaqələr rəsmiləşdiriləcək".
Oxu.Az xəbər verir ki, bunu Elm və Ali Təhsil üzrə Dövlət Agentliyinin direktoru Ülkər Səttarova jurnalistlərə açıqlamasında deyib.
O bildirib ki, sammit universitetlər arasında təbii yolla əlaqələrin yaranmasına müsbət töhfə verir:
"Hazırda xarici universitetlərlə əlaqələrimiz var, ancaq biz bu əlaqələrin daha da genişləndirilməsini istəyirik. Bu kimi tədbirlər Azərbaycan universitetlərinə yeni imkanlar yaradılması nöqteyi-nəzərindən önəmlidir. Biz həm universitetlərin rəhbərliyinin, həm digər əməkdaşların burada əlaqələrini genişləndirmələrini, bu əlaqələr nəticəsində birgə elmi məqalələr ərsəyə gətirmələrini istəyirik. Habelə əlaqələr hesabına əcnəbi tələbə və müəllim axını artması da prioritetdir".
Aygün Mirakif
