Maştağada 16 yaşlı yeniyetmənin yaşadıqları evin həyətində ögey atası, 45 yaşlı Emil Əliyevlə aralarında yaranan mübahisə zamanı onu bıçaqlayaraq qətlə yetirməsi iddiasının təfərrüatı məlum olub.
Bildirilib ki, hadisədən sonra 16 yaşlı yeniyetmə cinayət aləti olan bıçağı kanalizasiya quyusuna atıb.
"Uşaq gör, nə həddə çatıb ki, bu işi törədib. Çox yaxşı oğlan idi. Heç vaxt inanmazdım ki, belə ailədən bu cür uşaq çıxar", ‒ qonşulardan biri bildirib.
Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Yeniyetmə şübhəli şəxs qismində tutulub.
İbtidai istintaq davam etdirilir.
Daha ətraflı Baku TV-nin videomaterialında:
Atalığını öldürdüyü deyilən yeniyetmənin qonşusu: "İnanmazdım ki, belə ailədən bu cür uşaq çıxar"
