Azərbaycanda baş verən zəlzələ ilə bağlı RƏSMİ AÇIQLAMA - YENİLƏNİB + VİDEO

Bu gün yerli vaxtla saat 19:49-da Mingəçevir ərazisində 4,5 gücündə qeydə alınan zəlzələdən sonra “AzərEnerji” ASC-nin mütəxəssisləri tərəfindən bu şəhərdə yerləşən istilik elektrik stansiyası, su elektrik stansiyası və yarımstansiyalara baxış keçirilib.

Bu barədə “AzərEnerji” ASC-nin Mətbuat Xidməti məlumat yayıb.

Bildirilib ki, bu ərazilərdə heç bir problem qeydə alınmayıb.

21:13

Mingəçevirdə baş vermiş zəlzələdə dağıntı qeydə alınmayıb, xəsarət alan yoxdur.

Bu barədə Fövqəladə Hallar Nazirliyi (FHN) məlumat yayıb.

Qeyd edək ki, bu gün yerli vaxtla saat 19:49-da Mingəçevir ərazisində 4,5 maqnituda zəlzələ qeydə alınıb. Zəlzələ Mingəçevir, Gəncə, Yevlax və Goranboy ərazilərində 4-3 bala qədər hiss olunub.

20:08

Azərbaycanın Mingəçevir şəhərində zəlzələ olub.

Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Zəlzələlərin Tədqiqatı Bürosunun məlumatına əsasən, yeraltı təkanlar Gəncə, Yevlax, Goranboy ərazilərində 4-3 bala qədər hiss olunub.

Azərbaycanda baş verən zəlzələ ilə bağlı RƏSMİ AÇIQLAMA - YENİLƏNİB + VİDEO

20:03

Azərbaycanda zəlzələ olub.

Oxu.Az xəbər verir ki, bu barədə sosial şəbəkə istifadəçiləri çoxsaylı paylaşımlar ediblər.

Zəlzələnin Mingəçevir, Gəncə və Yevlax rayonlarında hiss edildiyi bildirilir.