Azərbaycan səhiyyəsində ilkə imza atılıb. Belə ki, ilk dəfə Azərbaycan və Çin cərrahları birlikdə xəstə üzərində məsafədən və eyni anda robotik cərrahiyyə əməliyyatını icra ediblər.
Milli Onkologiya Mərkəzinin baş həkimi Azad Kərimli jurnalistlərə açıqlamasında bildirib ki, respublikada laporoskopik əməliyyatların aparılması çox geniş vüsət alıb: "65 yaşlı qadın uşaqlıq xəstəliyi ilə əlaqədar cərrahi əməliyyat olunub. Bu nailiyyəti əldə etmək çox böyük bir zəhmət, məsuliyyət tələb edir. Buna baxmayaraq, cərrahlarımız bu məsuliyyəti üzərlərinə götürdülər və əməliyyatı uğurla həyata keçirdilər".
Qeyd edək ki, adıçəkilən əməliyyat "Robotik Cərrahiyyə Körpüsü-2025" adlı beynəlxalq tədbir çərçivəsində həyata keçirilib.
Daha ətraflı Baku TV-nin videomaterialında:
