Qatarların yoluna tikinti daşları düzən şəxslər müəyyən olunub.
Oxu.Az-ın sorğusuna cavab olaraq Daxili İşlər Nazirliyuinin (DİN) Mətbuat Xidmətinin əməkdaşı Lumu İsrəfilli bildirib ki, videogörüntüdə əks olunan hal araşdırılıb.
"Polis əməkdaşları tərəfindən əməli törədən iki azyaşlı müəyyən olunub.
Onlar və valideynləri polis orqanına dəvət edilərək profilaktik söhbətlər aparılıb, qanunvericiliyin tələbləri izah edilib, müvafiq məsuliyyət tədbiri görülüb", - deyə L.İsrafilli vurğulayıb.
Əzizə İsmayılova
"Qatar relslərinə kənar əşyaların qoyulması, nəzarətsiz buraxılan heyvanların qatarın qarşısına çıxması, eləcə də digər təhlükəli hallar daha çox risk yaradır".
Oxu.Az xəbər verir ki, bu barədə "Azərbaycan Dəmir Yolları" (ADY) Qapalı Səhmdar Cəmiyyəti (QSC) məlumat yayıb:
"Dəmir yolu ətrafında yerləşən sıx tikililər təhlükəsizlik üçün riski artırır. Bu cür ərazilərdə insanların qatar yoluna çıxması olduqca təhlükəlidir. Neqativ halların baş verməməsi üçün isə maşinistlər tez-tez təcili tormozlama etməyə məcbur qalırlar. Amma bəzən toqquşmalar qaçılmaz olur. Təhlükəsizlik hər birimizin məsuliyyətidir. Yolların təhlükəsiz olması üçün qaydalara diqqət edək, ehtiyatlı davranaq".
