Azərbaycanda tələbə adını qazanan ən yaşlı şəxs danışıb.
Oxu.Az Xəzər TV-yə istinadən məlumat verir ki, 55 yaşlı Vəfa Cəfərova həm gözəl ana, həm də nənədir. İndi isə subbakalavr kimi ölkənin ən yaşlı tələbəsi statusunu qazanıb.
Vəfa xanımın sözlərinə görə, təhsilini davam etdirmək istəyini ətrafında çox adama bildirməyib.
Amma deyir ki, həm ailəmdə, həm də iş yerimdə hamının qərarıma hörmətlə yanaşacağını bilirdim.
Ətraflı süjetdə:
Bu il Azərbaycanda ən yaşlı tələbə 55 yaşlı Vəfa Cəfərova olub.
Oxu.Az xəbər verir ki, bu barədə "Report"un sorğusuna cavab olaraq Dövlət İmtahan Mərkəzindən bildirilib.
Qeyd olunub ki, tələbə subbakalavr (kollec məzunu) kimi Sumqayıt Dövlət Universitetinə qəbul olunub.
Xatırladaq ki, bu il ali təhsil müəssisələrinin müsabiqəsində 88 756 nəfər iştirak edib. Onlardan 57 236 nəfəri (o cümlədən 6 461 subbakalavr) ali təhsil müəssisələrinə qəbul olunub. 27 956 (o cümlədən 1 728 subbakalavr) nəfər dövlət sifarişi əsasında, 29 280 (o cümlədən 4 733 subbakalavr) nəfər isə ödənişli əsaslarla təhsil almaq hüququ əldə edib.
